Profili monferrini

Luciano Coggiola

Scrivi tut lo ca l’ha fat is persunagi

an tutta la so vitta i’andareia

in giurnal antrei.

L’è nasì a Casà e an cul periodo

ad guera la stava an t’la ca’

di nonnu a Oltreponte.

Po’ s’è trasferisi a largo Lansa.

L’ha vivì anche a Pumà an t’la ca’

di nonnu paterni e is pais l’è semp

stat al centro di so afet.

S’è laureasi a Turin an Farmaciia

e cun sa laurea l’ha cmensà a travaià

par l’industria farmaceutica.

Po’, par des ani, l’è stat agente

di presìdi chirurgici. An tal 1995 l’è andat

an pension e sia primma che dop l’ha semp fat

al sucial e al volontariato.

Ades, an pension, al scriv an dialet,

al iutta la famiis, al va anche a pescà.

L’è papà ad du fii docenti e liberi prufesiunisti

an Fisioterapiia e al pu bel a l’è ca l’è anche bisnonnu

ad ‘na citta meravigliusa ca l’ha nov ani e as ciama Emma.

L’ha fat diversi sport: caccia, judo, karate, motociclismo.

An tal 1953 l’ha fat al raid Casà - Stoccolma an Vespa.

L’è stat president dei Veterani dello Sport fundanda

diversi asuciasion. L’è stat an ti Carabiniè e cunsigliè pruvincial

d’l Urdin di Farmacista. D’in persunagi acsì iè nen da stupisi: quaicos ad nov al po semp falu.

Al so nom a l’è LUCIANO COGGIOLA.