Da geometra la iutà, per in poc at temp,
so papà marmurista.
Abituà pià dagl’amsuri, in bel mument,
la pià gl’iamsuri d’in camp da fulbal.
La vist chi favu per lu la capì che giuganda
an tis camp al pudiva esi al so futuro.
Difatti la cmensà giugà
an tla Ternana, Livorno, Verona.
An tin continuo migliurament
le pasà an Serie A:
dui ani an tal Turin, in ani an tal Mantova.
Cuntinuanda cun is balon in ani an tal Bari,
dui ani a Nuvara, tre ani an tal Casà
e per fi nì dui ani a Vigevano.
Giranda tutti si cità al pudiva fa benissim
na carta geografi ca a lu antestaia.
Iani ai pasu anche per i giugadur da fulbal
e allura la butà al balon ant l’armari di ricord.
Però is giugadur as sentiva ancura giuu,
al duiva fa quaicos, allura la fat per diversi ani
al venditur di prodotti da bar e ac me ultim travaii al cumerciant ad frutta e verdura.
Ed ecco la pension! Al crediva d’avei fi nì la so carriera lavurativa ma sne presentasnu
in atra meravigliusa chi da dal sudisfasion immensi. Al fa al nonnu ad la so anvudinna.
Na citinna cas fa mangià tant le bela e grasiusa. Al nonnu suchì al lu sa e per pagura da
giuntaii ai gava nen i oc da dos, not e dì. E bravu nonnu, gotti is temp meraviglius, is travaii
cat fa des prega cal dura, lasa perdi tut, discusion e affi ni. Is nonnu as ciama Umberto Depetrini.