Profili monferrini

Maurizio Mantelli

Eccolo chi, in fiö d’arte:

so papà al fava l’avucat e an gamba ca l’era.

At vurivi mija che al fiö al feisa n’at travai... ommaipü!

Avucat anca lü cun al so studdi an via Rumma 62.

Al fa al civilista e al periodo ca vivumma

al travai al manca nen anca perchè al mond a l’è cambià;

primma al personni ai favu al so discusion,

dop in poc ai truavu la quadra e l’era tut finì.

Ades no: dop quai parola ai van subbit da l’avucat

par fasi risolvi al prublema axì

al causi aumentu semp ad vulum.

Però s’avucat al sa c’me fa truà in poca at tranquillità.

Tra na causa e l’atra al sonna la chitara.

In avucat chitarrista, axì i so client

ai sentu anche la musica.

Iè da dì n’atra rubetta par is travai:

che senz’altro all’an agravalu da pü;

antant par fa quaicos ian gavà

al tribunal da Casà,

l’han purtalu a Versei axì al causi

ai son d’andà a discutti tutti finna la

e pens ca la siia nen na roba da poc.

E che dì... sperumma an tin futuro migliur

che al mond al turna ancura ac me primma

sia per custi che per quelli. Al so nom a l’è Maurizio Mantelli.